كل طالب ازهري خلص ثانوية يدخل هنا ويشوف عايز يقول ايه؟

السلام عليكم ورحمة الله وبركاته
إزيكم يا قمامير عاملين إيه؟ إن شاء الله تكونو كويسين وبخير
طبعا في ناس هترد وتقول مش كويسين بسبب النتيجة بس يلا معلش حصل خير
وفيه ناس هتقول الحمد لله علي كل حال كل اللي ييجى من عند ربنا كويس
بس في كلتا الحالتين لازم نقول الحمد لله سواء راضيين او مش راضيين
المهم ندخل في الموضوع
أحب أقولكم في الاول إن ده نصيب وكل حاجة حصلت لك وبتحصل لك وهتحصل لك مكتوبة ليك من قبل ما تتولد يعنى لا مفر من القدر
ثانيا احنا عملنا اللي علينا وأخدنا بالأسباب وذاكرنا وتعبنا بس ربنا رايدلنا بكدة
اكيد فيه كتير مننا اتظلم في التصحيح واخد درجات مش المفروش انها درجاته ومتأكد من حله بس نعمل ايه في المصححين
أكيد فيه كتير مننا له قصة مر بيها اثناء الامتحانات سواء كان شد في اللجان او اصحابه اشترو الامتحان او تبليغ عن غش او حاجات تانية كتير
انت بقي مريت ب ايه؟ قصتك ايه؟ حاسس انك اتظلمت وعايز تعمل حاجة؟ ياتري بتفكر في الانتقام
ياتري اخدت حقك ولا لاء؟ هنا تقدر تحكى قصتك وتفضفض لنا واحنا هنسمعك وان شاء الله نقدر نساعدك او نقول لك الحل ونكون سند لبعض
وياريت كمان تقولنا من وجهة نظرك مستوى الامتحان كان عامل ايه؟

اااااااااااه هو ده الجرح يا ايمى
الحمد لله الذى هدانا لهذا
وعسى ان تكرهوا شيئا وهو خير لكم
المشكلة بقى مش انك اخدتى كام ده نصيب
بس اكيد احنا قصرنا وده عقاب من ربنا والحمد لله انه فى الدنيا مش الاخرة
بس اللى ممكن ياثر فيك
انك تلاقى اصحابك اللى غشوا بيبصوا لك باحتقار
هااااااااااااااه عملت ايه يافالح
بس الحمد لله ادام ربنا راضى عنى كله يهون
وطبعا ظلم التصحيح اصبح شىء لازم فى الازهر
ده ختم الازهر يا احبائى
علشان كله يعرف انه حقا الازهر
يلا ربنا يسهل

وان شاء الله الواحد يفتح صفحة جديدة ويبدا يثبت نفسه فيه

ا

الازهر

دة حكايه كبيرة اوى الواحد لو اتكلم عليها ممكن يكتب فيها كام سنه قدام
احنا كان معهدنا طلبه زى العسل
محدش بيضايق المدرس ولا حد بغلس
كله الا 4 كان ماشى بنظام ان كان ليك عند الكلب حاجه قولوا يا سيدى
لو رحت المعهد قبل الامتحان بنص ساعه تلاقى واحد واقف فوق دماغى
يقول : يا عصام هات
: اجيب ايه
:اى حاجة
: ازاى
: اى قرشين دة احنا أصحابك
: انا يا عم ما بغشش ومش عايز غش
: هتقفلة على صحابك ليه
وهكذا النص ساعه تضيع وهو عمال زن شويه عليا وشويه على الثلاثه التانيين
و بعد ما يلم الفلوس فوريرة يجيب كانز و جرايد وشاى وسكر
قول يوم كانت مفجأة ليه دخلت لقيت على اول درج جرنال المصرى اليوم و الاخبار و ......
ده غير الكانز
و الفراش اللى كان مابيطلعش بقى بيطلع وفراش جديد على حساب واحد صاحبنا لانه نشيط وفى معهد ابتدائى
فجبوه يعمل شاى و يعزم المراقبيين والله لتشرب العيال هتزعل ومش هتعرف تحل
دى هديه مش اكتر
وطبعا قدام دة كله كان لازم المدرس يفك ويريح اللجنه
وكان معايا فى اللجنه الواد اللى بيلم الفلوس و بيدفع النسبة الاكبر
مر المدرس عصلج معاه ومرضلش يشرب وطبعا مر ضاش يغشش طبعا
الواد قام اتنرفز كله بص عليه و يهديه هتبوظ علينا اللجان كلها
فهم
و قله هات الكانز اشربه انا انا اللى دافع ثمنه بكل برود و الثانى كان بيشرب وعمل نفسه عبيط
وواحد ثانى شرب و مرضاش يغشش
الدنيا كلها قامت عليه وراح بتاع الكنترول - االى بيفطر من الفلوس دى - طلع وقاله
بإستظراف مش شربت سحت لازم تغشش
و هكذا
مش هنسى يوم الفيزياء ابدا
الدوشه كانت لدرجة انى مش عارف افكر
قلت للى واقف وكان راجل محترم ما شربش سحت على رأى الكنترول
بس كان بيغشش
راح واخدنى وقعدنى ورا الباب وقالى هنا مفيش دوشه
هههههههههههه
بدل مايسكتهم بيبعدنى وكأنى انا اللى غلطان
انا اللى عامل عامله
وكتييييييييييييييييييييييير
بس كفايه كدة
وكل واحد طالع بمجهوده عمره ما هيضيع لو اختار صح
لان ده مجهودة ودى امكانياته
و يارب التوفيق للكل

قصتك كبيرة يا عصام
يلا هو كدة الازهرلا مفر منه

بس ما اعتقدش ان فيها شيء مؤسف للغاية او مجرح او مزعج زى اللي انا شخصيا شوفته
انا شوفت ايام الله لا يعودها يلا مفيش حد بياخد اكتر من نصيبه قدر الله وما شاء فعل

مشكووور

انا بقا حكايتى حكايه
احنا فى الفصل 5 بنات بس متستغربوش
وكنا قعدين مع بنات ادبى وكانوا كل ثانيه لازم يكلموا واحنا معرفناش نركز وطبعا المدرسين بيضيقوا منهم ويقعدوا هما كمان يزعقوا واحنا طبعا الامتحانات بتاعتنا كانت عيزه تركيز يلا اهى ايام وعدت الحمد لله

شمع

الحمد لله انها عدت

اما انا فلسا هادخل تانيه وكان ليه امانى كتيره عاوز احققها
لكن الحمد الله انى فقت من الحلم بسرعه قبل ميتحول لصدمه
زمان كانت ام الطالب تدعى لابنها وتقوله
روح يابنى ربنا يسهلها قدامك
اما دلوقت ربنا يرزقك بمصحح عنده ضمير

ههههههههههههههههه عندك حق يا محمود بجد والله ده تقريبا اللي بيحصل

» عايز تصلى بخشوع ونفسك تحس إنك بتصلى
» دليل التفوق لكل طالب
» وفاة مغني من ستار اكادمي.وانظر ماذا يقول قبل الوفاة