أشهر ما يقال فى البيوت المصريه ..

[size=12]قبل ما انشر غسيل الشعب المصرى احب اقولكم.. الموضوع منقووووووول[ندعوك للتسجيل في المنتدى أو التعريف بنفسك لمعاينة هذا الرابط]

يلا شوفوا شوفوا

من اشهر ما يقوله الاب والام فى مصر

* امشى جاتك مشش فى ركبك . ( اراهن لو حد يعرف يعنى ايه مشش ؟؟)

* جتها نيلة الى عايزة خلف تيجى تتفرج .[ندعوك للتسجيل في المنتدى أو التعريف بنفسك لمعاينة هذا الرابط] ( يعنى مسمعتوش الكلمه دى قبل ما تجبونا )

* ايوة ياخويا دة اللى فالح فية تاكل وتقعد على الكمبيوتر وتنام .( نسيت تاكل وتشرب )

*ذاكر ياموكوس مش فالح غير فى الهيافه والكلام الفاضى.( طب اذاكر ليه لما انتو عارفينى )

* ربنا يرزقك بعيل يوريك اللي ورتهوني.( متخفيش عيالى كلهم هربيهم فى الاحداث .. طبعا محدش يقدر يربى احسن م الحكومه )

* كل يوم هات هات لما ربيتلى الهتهات -الحاج طبعا- ( ياسلام المصريين شعراء بطبعهم .. هات .. هتهات )

* هتذااااااااكر هتاخد عنية مش هتذااااااااااكر هتاخد بالجزمة (وطبعا احنا ميهونش علينا ناخد عين بابا ونمشيه من غيرها .. ناخد الجزمه احسن )

*أوعا حد يضحك عليك ويقولك جرب السيجارة دي.( اسمها اوعى تضحك على حد وتقوله جرب السيجاره دى )

*ابقى ورينى مين حينفعك فى الاخر من شوية الصيع الى انت مشيلى وراهم .( خلاص مش هامشى وراهم .. همشى جمبهم )

* قوم اقرا لك كلمتين ينفعوك .( كلمتين !!.. طب محنا بنذاكر كتب ومشبتنفع برضوه )

* وطي المدعوق ده شويه . ( اموت واعرف سامعينه ازاى وانا مش سامعه )

* انت فاكرنا نايمين على ودانا ؟ ( لا طبعا .. نايمين ع السرير )

*لما ما ترضاش تاكل في البيت:طبعا مانت اتعودت علي اكل بره .( لولا انى خايفه على بابا لكنت قولت انى بصعب عليه وبيعزمنى )

* عيـــب ... لازم تحترم اللي أكبر منك .( نفسى الاقى حد اصغر منى يحترمنى )

* لو شفت خناقه ما لكش دعوة بيها . ( امال مين اللى هيولعها )

* الواد دا عيل بايظ وماتمشيش معاه تاني . ( حاضر من عنيا )

* مين منى دي انتى كل يوم تصاحبي واحدة جديدة ؟.( او مين هيثم ده ؟؟)

* انته مبتكلش جزر ليه .. اجيبلك برتقانه. طب كل سلطه .(طب لما تستقرى على صنف ابقى قوليلى )

* يبني بأسلوبك ده مش هتعيش معاك واحده . (ماهى لو عايزه تدخل الجنه تستحمل )

* قومي ساعدي امك ده اللي هيتجوزك أمه داعية عليه. ( امى بئه بتقول الحمد لله انه ادبس )

* اوعى حد غريب يديلك حاجه تاكلها و تشربها و تاخدها منه .( من عنينا الاتنين .. يعنى لو بعهالى اخدها )

* يا ابني حرام عليك الى بتعمله فينا ده.( وحرام عليكو اللى بتعملوه فينا ده )

* انا سايبالكوا البيت وماشية ومش حتشوفوا وشي تاني .( يعنى اقوم امسك سلك الكهربا عشان ترتاحو .. احم احم دى بتاعتى )

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.(شور )

* وانت فاكر احنا مستنيين منك حاجه .( ودى تيجى .. لا طبعا)

*ماتقعد يابنى تكمل أكلك * انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى * هو انا غاوى جوع مثلا )
.

* كفايه رغي في التليفونات .( خلى الفاتوره عليا )

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .(وسيب الطبق مليان زى ماهو ..)

* اطفي التلفزيون وقوم ذاكر ولا و خش اوضتك .( انتو غاوين اوامر وخلاص )

* افرد ظهرك .

* لم شراباتك.

* ماتكلش فى ضوفرك.
( حاضر يا مس )

* كنت فين لحد دلوقتى يا صايع. ( قال يعنى مش شايفه وهو جاى من بره .. كنت فى اوضتى )

* ماتتأخرش علشان عندك كلية بكرة بدرى. ( منا هتاخر عشان كده )

* انا مش عارف انته طالع لمين.( من شبه اباه ..)

* انا : ياماما بئه ايه ده ؟؟؟
ماما:مووو لمـا يــــــخدك . ( انا غلطانه انى قولتلها ماما )

* ادلعى ياهبة فى ايامك المهببة . ( بالنسبه لجهاد تتدلع عادى )

* ده منظر ولا دى اوضة بني آدم ، انت عايش فيها ازاي؟. ( على اساس انى بدخلها اصلا )

* هو انا الخدامه الى ابوكم جبهلكم . ( بعد الشر عليكى يا عسل )

* الى يطلع من الاوضه يطفى النور وراه . ( اعملوا زينا اللى يطلع يولع النور واللى يدخل يطفيه )

*أبوك عندك أهو اتصرف معاه .( امك اهى هى ادرى )

* لو مش فاهم حاجه ارفع ايدك و قول للأستاذ مش فاهم .. متتكسفش . ( دا لما اشوف الاستاذ بئه )

* يأبنى المذاكره مابتخلص .... نفسى اشوفك مره ماسك كتاب. ( ماهى مش هتخلص )

* اعمل حسابك مش حندخلك جامعه خاصه. ( مش عاااااايز خالص )

* مالكش دعوة بالسياسة .. وماتمشيش في مظاهرات .و امشي جوا الحيط [ندعوك للتسجيل في المنتدى أو التعريف بنفسك لمعاينة هذا الرابط] .
( ومين اللى هيولعها ان شاء الله )

* احمد ربنا الاكل الى مش عجبك ده فى ناس مش لقينه .( الحمد لله .. بس هو فين الاكل ده )

* التهديدات المخيفه والمرعبه مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .( يا مامى )

* قومي سخني الأكل لأخوكي. ( ليه هو كان اتشل ولا كان اتشل )

* ابوكم كان دايم بيطلع الاول على الفصل... ( بسم الله ماشاء الله الفصل كله الاول على نفسه )

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا

(ويعنى وهو فى امريكا ملقاش لمبه جاز فرجع يحضر الدكتوراه هنا )

على فكره تعليقاتى معظمها هزار .. وانا متفقه مع نص كلمهم ( هو مش النص اوى يعنى [ندعوك للتسجيل في المنتدى أو التعريف بنفسك لمعاينة هذا الرابط])[/size]

ههههههههههه
شكرا لكى

» قصة الثوره المصريه فى صور 25 يناير
» زوجته .. عندما قرأت الدفتر .. لم ترفع بصرها له .. منذ 3 أشهر ..